Friday, July 22, 2011

Akhtar



A long, long time ago, someone told me to try my hand at poetry. But considerate as I am, I deigned it best not to make the frugal few who endure my prose suffer my attempts at poetry too!


Very recently though, I came across a few pieces of Javed Akhtar’s verse. They were poignantly exquisite, too wonderful to not share.


So, here is one of those pieces for your indulgence too;







Ek baat honthon tak hai jo aayi nahi, bas aankhon se hai jhaankti


Tumse kahbi, mujhse kabhi, kuch lafz hai woh maangti.







Jinko pehan ke honthon tak aa jaaye woh,


Aaawaaz ki baahon mein baahein daal ke ithlaaye woh.







Lekin jo yeh ek baat hai, ehsaas hi ehsaas hai


Khushboo si hai jaise hawa mein tairtee, khushboo jo be-aawaaz hai.







Jiska pata tumko bhi hai, jiski khabar mujhko bhi hai


Duniya se bhi chupta nahin, yeh jaane kaisa raaz hai...


44 comments:

  1. Thanks Brijesh for sharing it. When I had heard it in ZNMD, I had liked the sound of it but there was not enough time to feel it properly. Reading it slowly in your blog is something else. Lovely poetry by Zaved saheb.

    ReplyDelete
  2. @Sunil-glad to have been of help !

    ReplyDelete
  3. The movie, smart guy. Let me try again:

    Oh Brijender (gasp), is this lovely, lovely poetry from Zindagi na Milegi Dobara, the new movie with the very hot trio of Hrithik, Farhan and Abhay?

    ReplyDelete
  4. Hahahaha !!!

    But to reply just as expressively;

    Jee haan-yeh kavita uss hi chalchitra se hai jiska zikr aapne abhi kiya hai-afsos ki aapke sujhaaye trikon par mein apne vichaar prastut nahi kar paaunga !

    ReplyDelete
  5. Singhji, aapki suddh bhasha padh ke hamari aankhon mein aansu aa gaye| Agar app inn garam zismwalon pe aapke vichaar prastut nahi karna chahte, toh kuch nahi| Kya aapko uss chalchitrakatha ki sundar abhinetriyon ke bare mein kuch kehan hai?

    ReplyDelete
  6. Hamare nyare Singhji, hum aapki kathinaayi samajh sakte hain. Hum toh yeh dekh ke hi khush ho gaye ki aapne bahut kaam shabdon mein kaafi kuch keh diya!

    ReplyDelete
  7. Aadarniya Dilshad-jee,
    dhanyawaad!
    Aapki sarahana se hamara hridya prafullit ho gaya hai.
    Asha hai ki aap bhi jald hi kuch likhengi jispe hum apne vicchaar prakat karne ka mauka milega !
    Seva mein
    aapka aabhaari

    ReplyDelete
  8. Singhji, namaskar. Hame khushi hai ki aapka dil khushiyoon se bhara hua hai. Aapki farmishanusar hame kuch likhna pedaga, aur jald hi. Jane kyun itne dino se lag raha tha ki hamari kalam se syahi sukh si gayi hai. Lekin aab lag raha ki likhne ka mausam wapas aa raha hai.

    Aapki dasi.

    ReplyDelete
  9. Daasi ???
    Ab to shayad hame kehna padega "Wah-wah" !!

    Dekhiye ab aapke shabdon ka intezaar kitna lamba hoga-bas ek guzaarish, bambai par kuch na likh daliyega !!

    ReplyDelete
  10. Singhji, yeh kya baat hui? Har baar aap hamari bambai nagariya ko beech mein le aate hain. Jaane bhi dijiye janaab! Koi naye shehar pe apni aankhen daliye, jaise ki YYZ!

    Aapki seva mein, aapki dasi.

    ReplyDelete
  11. Mahamaheem Dilshad-jee,
    bambai ki aabroo bachane ka aapka yeh prayaas to hame samajh aata hai.
    Nahi samajh mein aata to woh yeh hai ki yeh YYZ kya hai-koi shehar hai kya?

    Hum to dilli ke deewane hain, aur koi nagariya iski jagah na le paayegi !

    Shabdon ki nazakat yeh bhi hai ki ek taraf aap apne ko hamari daasi karar deti hain aur doosri taraf aap hum pe hukm bhi chalati hain !!
    AB kahiye wah-wah !! ;)

    Seva mein,
    Aapke tuchch aabhaari

    ReplyDelete
  12. Adarniya Singhji,
    Yeahi toh hum haseenaon ka jadoo hai! Hum apne aap ko dasi karaar kar ek jaal bichate hain aur aap uss jaal mein khud hi chale aate hain. Par yeh aap ko tab samaj aaye jab aapka dhyaan dilli nagariya se uthe!

    YYZ ki duvidha aapko abhi tak saata rahi hai? Hum ne kaha that na, dilli ke aage dekhiye. Thoda anusandhan karenge toh pata chalega ki aapka dil dilli mein nahi, toronto nagariya (YYZ) mein hai!

    Aseem seva mein,
    Aapki dasi (;))

    ReplyDelete
  13. Adarniya Dilshad-jee
    kuch sawaal hain jo mujhe duvidha mein daal rahe hain, inhe aapke khidmat mein pesh kar rahun;
    1. "haseenaon" ka taatparya hua ek se zaida-KITNI haseenayen hain yahan?
    2. Jaal kisn bichaya au kis ke liye, iska anumaan aapko achchi tarah hai kya?
    3. Yeh toronto nagariya kaneda mein hai na?
    4. Aapko itne vistaar mein yeh raaz kaise maloom hain?

    Aapke jawaab ke intezaar mein
    Sadaa aapka aabhaari

    ReplyDelete
  14. Singhji, pranaam.
    Hum koshish karenge ki aapke kuch sawoolon ke jawab aap ke samne prastut kar saken. Kuch sawaal aise hote hain ki unn ka koi saral jawaab nahi hota!

    1. "Haseenaon" ke hamara tatparya kiski ek haseena ki oor nahi tha, hum toh ek samanikrit byaan kar rahe the. Yeh kala toh har haseena mein hai :)

    2. Ek khel mein ek se jyada zaal ho sakte hain janaab, shatranj ko hi dekh lijiye!

    3. Aap ne sahi farmaya, hum uss hi toronto shehar ki baat kar rahen hain.

    4. Aap kis raaz ki baat kar rahen hain?

    Ummed hai ki yeh padh aapke chanchalit maan ko thoda aaram pauncha hoga!

    Aapki dasi.

    ReplyDelete
  15. Adarniya Dilshad-jee
    Su-prabhaat !
    Aapke jawaabon ne hamare mann ko aur bhi vichlit kar diya hai ! Par shayad kuch baatein hoti hi aisi hain jinka fasanaa kalam se zaida aankhon se bayaan hota hai !!

    Jahan tak raaz ki baat hai, main bas itna kahunga,

    Jiska pata tumko bhi hai, jiski khabar mujhko bhi hai
    Duniya se bhi chupta nahin, yeh jaane kaisa raaz hai...

    ReplyDelete
  16. Janaab, pranaam!
    Hum koi itne tirche jawaab nahi diye ki aap ka mann aur vichilit ho jaye! Par aapne sach kaha hai, kuch baaton ka fasanaa kalam se hota hi nahi hai.
    Jahan tak raaz ki baat hai, hum aapko sirf itna kahange, kuch raaz chupae nahi chupte!

    ReplyDelete
  17. Itna sannatta kyun hai Singhji?

    ReplyDelete
  18. Adarniya Dilshaad-jee
    hum apne saaptaahik bhraman par nikle hue the, is liye aapki tippani par apne vichaar prastut nahi kar paaye !
    Lekin ab hum wapas aa chuke hain, aasha hai ki vichaar-vimarsh hamesha ki tarah hi chalta rahega.

    Aur agar hum galat nahi hain, to shayad aapne kaha tha ki aap bhi kuch likhne waali hain-lekin aapke blog par shabdon ka sannata barkarar hai.

    Aasha mein,
    aapka aabhaari

    ReplyDelete
  19. Wow!
    Even I'm also flattered on his poetry :)
    After watching this film when my friend asked me what I liked the most then, I replied Farhan's poetry ..being a poet I always get attracts towards poems :)..
    Happy that you shared it! Even I also thought to share on my blog but after wards due to some work I forgot :P .. But no worries.. Nice blog indeed .

    Thank you so much for such encouraging and beautiful words :) I'm honored ..
    I'll be here again and wish to see you there again :P
    Take care

    ReplyDelete
  20. @Simran-glad you liked it, and nice to see you drop by for another visit.
    Hope to see more of you, on your page as well as mine !

    ReplyDelete
  21. Namaskar SInghji,
    Umeed hai aapki yatra safal rahi hogi. Hame issi baat ka dar tha ki hamare khud ke shabd hame aa ke kaateinge aur yehi hua! Aapke aadesh aunsaar aab iska kuch karna padega!

    Aapki seva mein,
    Aapki dasi.

    ReplyDelete
  22. Aadarniya Dilshad-jee
    aapke shabd apna mulya kho rahe hain, aur wo bhi bahut tez raftar se !
    Ek saptah se adhik samay guzar gaya hai lekin aapka post likhne ka vaada abhi tak adhoora hai.
    Aasha hai aap jald iska samadhaan karengi

    Aasha mein
    Aapka aabhaari

    ReplyDelete
  23. Singhji,
    Kripa kar aap itne kathor shabd mat boliye. Aur waise bhi, hum ne abhi kuch der pehle hi hamara waada navinikrit kiya hai, toh thodi riyaayati awadhi dijiye!

    Aapki dasi.

    ReplyDelete
  24. Supriya Dilshad-jee,
    hamare shabd kathor nahi the, keval aapka dhyaan aakarshit karne ke liye the. Is baat ki aur ki aapne apna kiya hua waada abhi tak nahi nibhaya hai.
    Navinikrit ka taatparya to hum nahin jaante lekin aasha karte hain ki iska matlab yeh hai ki aapne apne waada par amal karna shuru kar diya hoga.
    Aapke shabdon ke intezaar mein
    Aapke aabhaari, sada seva mein ! ;)

    ReplyDelete
  25. Aadarniya Singhji,
    Lekhika toh tab hi likhegi jab usse prernaa milega. Aapke gyaan ke liye, navinikrit ka arth hum idhar samjha dete hain:
    Navinikrit = Navin (new) + krit (act of doing) = renew.

    Aapki dasi.

    ReplyDelete
  26. Aadarniya Dilshad-jee,
    kahin aisa na ho ki jitni der mein lekhika ko prernaa mile, utni der me unke aabhaari shrotaaon ko bhi koi aur prerna mil jaaye !! ;)

    Waqt ki nazaakat ko samajhiye aur sheegr hi kuch likh daaliye

    Aapka shubh-chintak

    ReplyDelete
  27. Singhji,

    Aapne aisa kya keh diya hamara dil hi dukh gaya. Kahin aur jaana hai toh jayiye, lekin hamare shabdon ko padhne aap wapas zaroor ayenge. Ek baar toh aisi ghatna ho chuki hai, wapas dhamki naa dein! ;)

    Aapki seva mein,
    Aapki dasi.

    ReplyDelete
  28. Aadarniya Dilshad-jee,
    dil dukhana hamara maksad na tha.
    Lekin kyunki aapne dil dukhane aur bicharne ki baat chedi hai, hum itna zaroor kahenge;

    Ranjish hi sahi dil hi dukhane ke liye aa,
    Aa fir se mujhe chodd ke jaane ke liye aa !!

    Taatparya aap khud samajh leejee-ega

    Seva mein,
    Aapka aabhaari

    ReplyDelete
  29. Singhji,

    Aapki dasi kabhi kabhi aapke shadbon ka arth theek se samajh nahi pati. Aapka bahut aabhar rahega agar aap apne shadbon par thodi roshni denge.

    Aapki aabhari.

    ReplyDelete
  30. Singhji, kya aap phir se koi bhraman par gaye hue hain kya?

    ReplyDelete
  31. Aadarniya Dilshad-jee,
    kuch aur kehne se pehle hum kshama maangna chahenge, apni gaer-upasthithi ke liye !
    Hua kuch aise ki hum apni pyaari Dilli mein the, jahan jaa kar aur kuch bhi bas dikhai hi nahi deta ! ;)
    Kaash aapke paas bhi kuch aisa hota jo itna haseen hota ki bas us hi mein aap kho jaati-lekin afsos, aapke paas sirf Mumbai hai !!
    Hahahahahaha !!!

    Abhi ke liye bas itna hi,
    Hamesha ki tarah,aapke shabdon ka intezaar rahega

    Seva mein
    Aapka aabhaari

    ReplyDelete
  32. Singhji,
    Aap toh bas ek chote bacche ki tarah hain. Jab dekho Dilli-Bambai ke jhagde mein lage rehte hain! Aur hame laga ki kam se kam aab toh aapki nazar dilli ki seemaon se nikal kisi aur shehar ki taraf jayegi... thoda duur ki sochiye!

    Aapki seva mein,
    Aapki mumbai-premi dasi :)

    ReplyDelete
  33. Aadarniya Dilshad-jee,
    Hamari door ki nazat thodi kamzor hai, isliye theek se dikhayi nahi de raha ki aap kaunse shehar ka zikr kar rahi hain! Kuch roshni daaliye !

    Aur ab to lag raha hai ki shayad yaad-dasht bhi dhundli ho rahi hai-yaad hi nahi aa raha ki Dollar KISKA kutta hai !

    Jawaabon ke intezaar mein,
    sadaev aapka aabhaari

    ReplyDelete
  34. Itne aarse baad, kis sawaal ka jawaab dein, kuch samajh nahi aata. Aur khafa rehna chahein toh bhi khafa raha nahi jaata.

    ReplyDelete
  35. Adarniya Dilshad jee
    der aaye, durust aaye !!
    Khafaa kaisi, kahan ka gussa?

    Hum to itna hi keh sakte hain...
    "Sitaron ke aagey jahan aur bhi hain, abhi ishq ke imtehaan aur bhi hain,
    Gaye din ke tanha tha main anjuman mein, yahaan ab mere razdaan aur bhi hain" !!

    ReplyDelete
  36. Kuch sundar shabd mahino ki khamoshi ko awaaz nahi de sakte janaab.

    ReplyDelete
  37. Ya rab, wo na samjhen hain na samjhenge meri baat
    De aur dil unko jo na de mujhko zubaan aur !!!

    ReplyDelete
  38. Aapki daasi inn shabdon ki gherai ko jaanch nahi paa rahi hai. Kripya thodi madad karenge?

    ReplyDelete
  39. Brijender ji, kitna moderate karenge hamare ek chote se anurodh ko? Ki aapne hi shabdon ko samjhane ke liye aapke paas shabd nahi hain?

    ReplyDelete
  40. Adarniya Dilshad jee,
    hamen khed hai ki hum apne vaktavya par prastut kiye gaye aapke sawaalon ka shighr jawaab nahi de paaye-iske liye hum abhi bas yahi keh sakte hain ki
    Duniya ne teri yaad se begaana kar diya
    Tujh se bhi dil-fareb hain ghum rozgaar ke !! ;)

    ReplyDelete
  41. Brijender ji, yeh kya baat hui? Aapki anupstathi ka dosh apni rojgaari ko naa dijiye, bahane aapko shobha nahi dete :)
    Acchha chaliye yeh batiye, iss vaktavya ke alawa kuch naya kab padhne ko milega iss dasi ko?

    ReplyDelete
    Replies
    1. Chalo, aur kuch nahi toh blog ka background hi change kar liya :)

      Delete